ដូចពាកក្យមួយគេថា សស្នេហាមិនប្រកាន់វ័យ និងវណ្ណៈមានក្រ។ ជាក់ស្តែង កាលពីពេលថ្មីៗកន្លងទៅនេះ វាជារឿងដ៏រំភើបនិងភ្ញាក់ផ្អើល បន្ទាប់ពីព្រះនាងដ៏ស្រស់ស្អាតនៃប្រទេសម៉ាឡេស៊ី បានធ្លាក់ក្នុងអន្លង់ស្នេហ៍ជាមួយនឹងបុរសង្ហាហូឡង់ រហូតឈានដល់ការរៀបអភិសេកយ៉ាងអធឹកអាធម ដោយមានការចូលរួមពីសំណាក់ខខ្សែរាជវង្ស និងវណ្ណៈអភិជនយ៉ាងច្រើនកុះករ។
បើយោងតាមប្រភពសារព័ត៌មាន ដេលីម៉ែល បានចុះផ្សាយឲ្យដឹងថា កូនកម្លោះដែលមានសញ្ជាតិហូឡង់ ប៉ុន្តែក្រោយមកបានផ្លាស់សញ្ជាតិចូល សាសនាអ៊ីស្លាម ដើម្បីរៀបអភិសេក្នុងខ្សែរាជរង្សរូបនេះ មានឈ្មោះថា Dennis Muhammad Abdullah មានអាយុ២៨ឆ្នាំ។ រូបលោកត្រូវបានគេស្គាល់ថា ជាអតីតកីឡាករបាល់ទាត់ម្នាក់ នៅទីក្រុង Lisse នៃប្រទេសហូឡង់។
ចំណែកឯកូនក្រមុំជាខ្សែរាជវង្ស ដ៏ស្រស់ស្អាតវិញមានឈ្មោះ Tunku Tun Aminah Sultan Ibrahim អាយុ៣១ឆ្នាំ។ ព្រះនាងគឺជាបុត្រីតែមួយអង្គគត់ របស់ស្តេចស៊ុលតង់ Sultan Ibrahim Ibni Almarhum Sultan Iskandar។
ពិធីរៀបអភិសេកនេះ ត្រូវបានរៀបចំឡើងនៅឯវិមាន Serene Hill Palace ជាមួយនឹងការស្លៀកពាក់សម្លៀកបំពាក់ តាមបែបប្រពៃណីដ៏ផូរផង់ ដោយមានការអញ្ជើញចូលរួម ពីសំណាក់ភ្ញៀវខាងខ្សែរាជវង្សជាច្រើន វណ្ណៈអភិជន និងមិត្តភក្តិជិតស្និទ្ធតែប៉ុណ្ណោះ ដែលសរុបទាំងអស់ប្រមាណជាងខ្ទង់ ១,២០០នាក់។
No comments:
Post a Comment