សសូមកកុំរើសអើងអ្នកផ្ទុកមេរោគអេដស៍ !! នារីម្នាក់បង្ហូរទឹកភ្នែករស់នៅក្រោមការរើសអើងថាកើតអេដស៍ ១២ឆ្នាំ ព្រោះលទ្ធផល….
នារីដ៏ស្រស់ស្អាតម្នាក់ បានរស់នៅក្រោមការរើសអើងអស់រយៈពេល ១២ឆ្នាំ ព្រោះការធ្វើតេស្តនៅអាយុ ៨ឆ្នាំ បង្ហាញថានាងបានឆ្លងមេរោគអេដស៍។ ប៉ុន្តែពេលនេះនាងបានរួចផុតពីសុបិនដ៏ខខ្មៅងងឹតនោះហើយ បន្ទាប់ពីមជ្ឈមណ្ឌលស្រាវជ្រាវកាកបាទក្រហមថៃ ធ្វើតេស្តឡើងវិញ បង្ហាញថាគ្មានមេរោគកំណាចនេះក្នុងខ្លួនឡើយ។នារីរងគ្រោះរស់ក្នុងភាពឈឺចាប់អស់ ១២ឆ្នាំនេះ ឈ្មោះ Suthida Saengsumat អាយុ ២០ឆ្នាំ។ នាងបានធ្វើដំណើរទៅមជ្ឈមណ្ឌលក្នុងរាជធានីបាងក ដើម្បីធ្វើតេស្តលើកទី២ នៅថ្ងៃនេះ បន្ទាប់ពីការធ្វើតេស្តឈាម បង្ហាញលទ្ធផលអវិជ្ជមាន។ វេជ្ជបណ្ឌិត Praphan Phanuphak ប្រធានមជ្ឈមណ្ឌលបានធ្វើសន្និសីទ ក្រោយចេញលទ្ធផល ៣០នាទីថា នារីរូបស្រស់នោះពុំមានមេរោគ HIVឡើយ។ក្រោយទទួលបានលទ្ធផល នាងSuthida បានបង្ហូរទឹកភ្នែក ដោយភាពរំជួលចិត្តបំផុត។ នាងបានអរគុណវេជ្ជបណ្ឌិត និងអ្នកពាក់ព័ន្ធ ហើយប្រាប់ឲ្យសាធារណជនឈប់រើសអើងរូបនាងតទៅទៀត។ ចំណែកម្ដាយវិញ ក៏យំដូចគ្នា ព្រោះមិននឹកស្មានថាកូនស្រីរបស់ខ្លួនរងភាពអយុត្តិធម៌អស់រយៈពេលជាង ១០ឆ្នាំបែបនេះឡើយ។
កូនស្រីម្ដាយពីពេលនេះទៅ កូនមិនបាច់ខ្មាសអៀន ឬលាក់មុខពីគេទៀតទេយើងនឹងរស់នៅជាមួយគ្នាដោយរីករាយម្ដងទៀតយើងមិនបាច់រស់នៅបែកគ្នាទៀតទេ ព្រោះម៉ាក់អត់កើតអេដស៍ទេ។ នេះជាសម្ដីរបស់ម្ដាយដែលមានកូន ២នាក់ ម្នាក់អាយុ ៥ឆ្នាំ និងម្នាក់ទៀតអាយុ ១ឆ្នាំ។ដំណើររឿងដែលធ្វើឲ្យនារីដ៏ស្រស់ស្អាតធ្លាក់ក្នុងសុបិនអាក្រក់ កើតឡើងនៅពេលនាងមានអាយុ ៨ឆ្នាំ។ ពេលនោះ នាងបានធ្វើតេស្តឈាមនៅមន្ទីរពេទ្យមួយក្នុងខេត្ត Roi Et បន្ទាប់ពីឪពុកនាងស្លាប់ចោលដោយសារមេរោគអេដស៍។ លទ្ធផលបានបង្ហាញថា នាងមានផ្ទុកមេរោគអេដស៍ដែរ។ចាប់ពីពេលនោះមក គ្រួសារ អ្នកជិតខាង បានរើសអើងនាង ហើយនាងត្រូវលេបថ្នាំពន្យារជីវិតរហូត។ យ៉ាងណាក្ដី នាងបានជម្នះរៀបការជាមួយបុរសម្នាក់ រហូតមានផ្ទៃពោះ ព្រោះការពារមិនបានត្រឹមត្រូវ។ នាងបានសម្រេចចិត្តទុកកូននោះ ហើយពេលធ្វើតេស្តឈាម កូននោះមិនមានមេរោគអេដស៍ឡើយ។ដោយមានការសង្ស័យ ទើបនាងធ្វើតេស្តជាថ្មីនៅពេលនេះ ហើយលទ្ធផល ហាក់ដូចជាធ្វើឲ្យនាងរស់ឡើងវិញម្ដងទៀត។ ពេលនេះ វេជ្ជបណ្ឌិតកំពុងបារម្ភថា កូនអាចរងផលប៉ះពាល់ពីថ្នាំពន្យារជីវិតនោះទៀតផង៕
No comments:
Post a Comment