Paula Edwards អាយុ ៥៤ ឆ្នាំ ជនជាតិអង់គ្លេសស បានប្រែប្រួលពណ៌ស្បែកកពីខខ្មៅទៅស ក្រោយពេលលេបថ្នាំព្យាបាលជំងឺ
មហារីកតម្រងនោម ។ Paula ត្រូវបានវិនិច្ឆ័យកើតជំងឺមហារីកតម្រងនោមដំណាក់កាលចុងក្រោយនៅឆ្នាំ ២០១២ ។ វេជ្ជបណ្ឌិតព្យាករណ៍ថា អ្នកស្រីអាចនៅរស់បានតែប្រមាណ ១២ ទៅ ១៨ ខែ ។ ក៏ប៉ុន្តែ តាំងពីពេលនោះមកទល់សព្វថ្ងៃ គឺរយៈពេលជាង ៥ ឆ្នាំ មកហើយ ស្ត្រីរូបនេះនៅតែមានជីវិត និងបំពេញការងារជាធម្មតា ។
ឆ្នាំទៅមិញ អ្នកស្រីបានថ្វើការវះកាត់លើកទី៤ និងចាប់ផ្តើមលេបថ្នាំព្យាបាលមហារីកមានឈ្មោះ Votrient ។ Paula ឲ្យដឹងថា ឆ្នាំនេះមានឥទ្ថិពលបន្ទាប់បន្សំធ្វើឲ្យអ្នកស្រីកើតមុនទឹកនៅអណ្តាត, ដៃ ហើយស្បែកប្រែជាសឡើងយ៉ាងច្បាស់លាស់ ។ ពួកវេជ្ជបណ្ឌិតបានស្វែងរកជំនួយពីជំនាញការនៅអាមេរិក ដើម្បីបញ្ជាក់ពីហេតុការណ៍ដ៏ចម្លែកនេះ ។
Paula ឲ្យដឹងថា ដំបូង អ្នកស្រីឃើញស្បែករបស់ខ្លួនកំពុងភ្លឺឡើង ក្រោយពេលមើលរូបថតចាស់ដែលថតជាមួយកូនស្រីនៅខួបកំណើតលើកទី១៨ របស់កូន ។ អ្នកស្រីឃើញស្បែករបស់ខ្លួនខុសប្លែកបន្តិច តែនៅតែជាស្បែកពណ៌ខ្មៅ ប៉ុន្តែ ឥឡូវនេះ ស្បែករបស់អ្នកស្រីកាន់តែសភ្លឺជាងមុនយ៉ាងច្រើន ។
អ្នកស្រីមានអារម្មណ៍ត្រូវបំពានពេលមនុស្សជាច្រើនបន្ទោស និងចោទអ្នកស្រីថាបាន «បោះបង់ស្បែកកំណើត» ព្រោះស្មានថា អ្នកស្រីបានធ្វើស្បែកឲ្យស ។ អ្នកស្រីមិនដឹងធ្វើម៉េចក្រៅពីការបួងសួងកុំឲ្យស្បែកសជាងនេះទៀត ។ កូនស្រីពៅអាយុ ៩ ឆ្នាំ របស់អ្នកស្រីនិយាយថាៈ «មើលទៅម៉ាក់មិនដូចជាម៉ាក់របស់ខ្ញុំ» ។
«វេជ្ជបណ្ឌិតឲ្យដឹងថា នេះជាប្រតិកម្មបន្ទាប់បន្សំរបស់ថ្នាំព្យាបាលមហារីក តែគេក៏មិនដឹងថា តើខ្ញុំនឹងក្លាយទៅជាមនុស្សស្បែកសទាំងស្រុង ឬ អត់», Paula ព្រួយបារម្ភ ៕
No comments:
Post a Comment