ធ្លាប់តែឮគេនិយាយតគ្នាថា សស្នេហ៍ពិត គឺមិនគិតពី យសកក្តិ ពូជសាសន៍ ឬពណ៌សម្បុរណ៌ឡើយ ដែលតួយ៉ាង នារីដ៏ស្រស់ស្អាតម្នាក់នាងសុខខចិត្តធ្វើអ្វីគ្រប់យ៉ាងឲ្យតែបានជួបបុរសកំពូលស្នេហ៍របស់នាង ដែលបានស្គាល់គ្នាតាមរយៈបណ្តាញហ្វេសប៊ុក។ គូស្នេហ៍ទាំងពីរមិនត្រូវបានគេបង្ហាញឈ្មោះនោះឡើយ ដែលនារីសញ្ជាតិកាណាដាម្នា្ក់ ព្រមធ្វើដំណើររាប់មុឺនគីឡូម៉ែត្រ បំណងជួបបុរសសង្ហា ដែលរស់នៅទីក្រុង General Santos City ភាគខាងត្បូងនៃប្រទេសហ្វីលីពីន។
គួរនៅចាំបានថា ពួកគេទាំងពីរបានស្គាល់គ្នាដំបូងនៅឆ្នាំ ២០០៩ តាមរយៈការឆ្លើយឆ្លងផ្តោះផ្តងពាក្យសម្តី លើបណ្តាញសង្គមហ្វេសប៊ុក។ ក្រោយពីបានស្គាល់ចិត្តគំនិតគ្នាទៅវិញទៅមក នារីដ៏ស្រស់ស្អាតក៏សម្រេចចិត្តចំណាយប្រាក់ផ្ទាល់ខ្លួន ធ្វើដំណើរមកប្រទេសហ្វីលីពីននាថ្ងៃទី ៥ ខែ មករា ឆ្នាំ ២០១២។
ទោះជាយ៉ាងណា ពេលវេលាដែលអ្នកទាំងពីររស់នៅសប្បាយជាមួយគ្នាក្នុងគ្រានោះ គឺខ្លីមែនទែន ដោយសារតែនារីស្រស់ស្អាតត្រូវបង្ខំចិត្តទាំងមិនដាច់អាឡៃ ដើម្បីត្រឡប់ទៅស្រុកកំណើតនាងវិញ ធ្វើឲ្យស្នេហាផ្អែមល្ហែមមានន័យ ត្រូវឃ្លាតកាយមិនឆ្ងាយចិត្ត អស់កាលមួយរយៈធំ។
ចម្ងល់នេះត្រូវបានបកស្រាយ ក្រោយពេលស្រីស្អាតប្រុសស្អាតទាំងពីរបានជួបគ្នាម្តងទៀត នៅព្រលានយន្តហោះអន្តរជាតិម៉ានីល (NAIA) ហើយដែលមិននឹកស្មានដល់នោះ ពួកគេក៏សម្រេចចិត្តភ្ជាប់ចំណងអាពាហ៍ពិពាហ៍តែម្តង នាថ្ងៃទី ១០ ខែសីហា ឆ្នាំ ២០១៣។
No comments:
Post a Comment