ថ្មីៗនេះវេបសសាយបរទេសបានបង្ហោះរឿងរ៉ាវរបស់នារីម្នាកក់ ដោយនាងបាននិយាយរៀបរាប់ពីរឿងរ៉ាវជីវិតរបស់នាងនៅលើគណនីហ្វេសប៊ុករបស់ខខ្លួនថា៖ខ្ញុំមានស្នេហាជាមួយបុរសម្នាក់ជិត៣ឆ្នាំហើយ ខ្ញុំព្រមទទួលថាខ្ញុំអន់ជាងគាត់ខ្លាំងណាស់ ទាំងជីវភាពគ្រួសារនិងការសិក្សាប៉ុន្ដែដោយសារតែគាត់ជាមនុស្សល្អនិងស្មោះត្រង់នឹងខ្ញុំទើបបានជាស្រលាញ់គ្នាយូរអង្វែង គាត់បានទាំងមុខមាត់និងការសិក្សាឋានៈគ្រប់យ៉ាងអាចនិយាយបានថាជាបំណងប្រាថ្នារបស់ស្រីៗតែម្ដង ប៉ុន្ដែគួរឲ្យប្លែកដែលគាត់មកចាប់អារម្មណ៍មនុស្ស្រីធម្មតាដូចជាខ្ញុំ ដែលមិនមែនជាគ្រួសារអ្នកមាន ខ្ញុំធ្លាប់និយាយប្រាប់គាត់ ប៉ុន្ដែគាត់បានបញ្ជាក់ថាគាត់មិនចាប់អារម្មណ៍នោះទេ។
រហូតដល់ថ្ងៃមួយខ្ញុំបាននាំគាត់ទៅសួរសុខទុក្ខឪពុកម្ដាយរបស់ខ្ញុំនៅឯផ្ទះ ពេលគាត់មកឃើញផ្ទះរបស់ខ្ញុំដែលមានតែគំនរសំរាម ព្រោះអាជីពរបស់ពុកម៉ែខ្ញុំគឺជាអ្នករើសអេតចាយលក់ នៅថ្ងៃនោះគាត់នៅស្ងៀមបានត្រឹមតែញញឹមស្ងួតៗ ខ្ញុំមើលដឹងថាគាត់ប្រហែលជាភាំងអ្វីមួយ ព្រោះឋានៈគ្រួសាររបស់ខ្ញុំនិងគាត់ខុសគ្នាស្រឡះដូចមេឃនិងដី។
នៅថ្ងៃបន្ទាប់គាត់បានតេទូរស័ព្ទមករកខ្ញុំហើយសុំទោសនូវទង្វើមិនសមរម្យដែលគាត់បានធ្វើកាលពីម្សិលមិញ "បងសុំទោសនូវទង្វើម្សិលមិញ តទៅបងនឹងគោរពនិងផ្ដល់កិត្តិយសពុកម៉ែរបស់អូន"។តាំងពីថ្ងៃនោះមកខ្ញុំមានអារម្មណ៍ធូរស្បើយក្នុងចិត្តដែលគាត់អាចទទួលត្រកូលគ្រួសាររបស់ខ្ញុំបាន រហូតដល់មានគម្រោងរៀបការជាមួយគ្នានៅទីបំផុត។
ប៉ុន្ដែច្បាស់ណាស់ថាឪពុកម្ដាយរបស់សង្សារខ្ញុំក៏មិនសូវព្រមទទួលខ្ញុំប៉ុន្មាននោះទេ ដោយហេតុផលថាខ្ញុំមកពីគ្រួសារក្រីក្រ គ្រប់គ្នាប្រហែលគិតថាខ្ញុំមកោះគ្រួសារគាត់ស៊ី ខ្ញុំខូចចិត្តប៉ុន្ដែសង្សាររបស់ខ្ញុំឲ្យកម្លាំងនិងនៅក្បែរខ្ញុំជានិច្ច ទើបធ្វើឲ្យខ្ញុំព្រមស៊ូទ្រាំដើម្បីស្នេហាមួយនេះ។
នៅក្នុងថ្ងៃពិធីរៀបមង្គលការ ម៉ែរបស់ខ្ញុំបានឡើងនិយាយលើឆាក "ក្នុងជីវិតនេះម៉ែអាចគ្មានអ្វីឲ្យកូនស្មើដូចគេ ប៉ុន្ដែក៏មិនចាញ់ជាងគេនោះដែរ…" និយាយចប់ភ្លាមម៉ែបានហុចប្លង់ផ្ទះព្រមទាំងដីនិងសោរថយន្ដទំនើបឲ្យមកខ្ញុំសម្រាប់ជាកាដូថ្ងៃរៀបការ ធ្វើឲ្យមនុស្សទាំងអស់ក្នុងពិធីមង្គលការភ្ញាក់ព្រើត ព្រោះគ្រប់គ្នាតែងតែមើលងាយគ្រួសាររបស់ខ្ញុំខ្លាំងណាស់។
ម៉ែខ្ញុំបាននិយាយបន្ដទៀតថា៖ "ទោះបីមុខរបរមើលទៅតូចទាប បន្ដែបើយើងចេះសន្សំក៏មានជីវិតរស់នៅមិនចាញ់អ្នកណាឡើយ"។ខ្ញុំសូមអរគុណអ្នកម៉ែខ្លាំងណាស់ ដែលពួកគាត់លំបាកដើម្បីខ្ញុំដល់ថ្នាក់នេះ ចាប់តាំងពីថ្ងៃនោះមកម៉ែក្មេកក៏មិនដែលមើលងាយដូចពីមុនទៀតឡើយ។គ្រប់អាជីពទាំងអស់គឺសុទ្ធតែមានតម្លៃនិងមានកិត្តិយស មិនគួរមើលងាយមើលថោកមុខរបរដែលគេបានធ្វើនោះទេ៕
No comments:
Post a Comment